{"kind":"passage","lang":"la","language":"Latin","title":"The Cloud over Vesuvius","citation":"Pliny the Younger, Epistulae 6.16.4–6","ref":null,"level":4,"urn":"urn:cts:latinLit:phi1318.phi001.perseus-lat1:6.16.4-6.16.6","url":"https://interlinea.aeterna-institute.org/read/latin/pliny-vesuvius","api":"https://interlinea.aeterna-institute.org/api/v1/passages/latin/pliny-vesuvius","markdown":null,"author":{"name":"Pliny the Younger","url":"https://interlinea.aeterna-institute.org/library/latin/pliny-the-younger"},"work":{"title":"Epistulae","url":"https://interlinea.aeterna-institute.org/library/latin/pliny-the-younger/epistulae","urn":"urn:cts:latinLit:phi1318.phi001"},"verse":false,"words":103,"text":"Erat Miseni classemque imperio praesens regebat. Nonum Kal. Septembres hora fere septima mater mea indicat ei apparere nubem inusitata et magnitudine et specie. Usus ille sole, mox frigida, gustaverat iacens studebatque; poscit soleas, ascendit locum ex quo maxime miraculum illud conspici poterat. Nubes — incertum procul intuentibus ex quo monte; Vesuvium fuisse postea cognitum est — oriebatur, cuius similitudinem et formam non alia magis arbor quam pinus expresserit. Nam longissimo velut trunco elata in altum quibusdam ramis diffundebatur, credo quia recenti spiritu evecta, dein senescente eo destituta aut etiam pondere suo victa in latitudinem vanescebat, candida interdum, interdum sordida et maculosa prout terram cineremve sustulerat.","prev":{"citation":"Odes 1.11","label":"Seize the Day","url":"https://interlinea.aeterna-institute.org/read/latin/horace-carpe-diem","api":"https://interlinea.aeterna-institute.org/api/v1/passages/latin/horace-carpe-diem"},"next":{"citation":"Annales 1.1","label":"Without Anger or Bias","url":"https://interlinea.aeterna-institute.org/read/latin/tacitus-annals","api":"https://interlinea.aeterna-institute.org/api/v1/passages/latin/tacitus-annals"},"credit":{"text":"Pliny the Younger, Epistulae 6.16.4–6. CC BY-SA 4.0. Perseus Digital Library (Tufts University), PerseusDL/canonical-latinLit; source edition not recorded in the TEI header","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://scaife.perseus.org/reader/urn:cts:latinLit:phi1318.phi001.perseus-lat1:6.16.4-6.16.6/","quality":"proofread"}}