# Περὶ παρωνύμων 2.22-31

Aelius Herodianus, Περὶ παρωνύμων, 2.22 to 2.31. Ancient Greek.

Canonical: https://interlinea.aeterna-institute.org/library/greek/aelius-herodianus/text-16/2.22

Arc. 34, 5: τὰ εἰϲ ριϲ ὑπὲρ δύο ϲυλλαβὰϲ παραληγόμενα τῷ α, εἰ εἴη ὡϲ ὑποκοριϲτικὰ ἢ πατρωνυμικά, ὀξύνεται, Μεγαρίϲ, βλεφαρίϲ, θεαρίϲ ἡ θεωρίϲ. Arc. 34, 22: τὰ εἰϲ ϲιϲ παρώνυμα χαίρει τῇ ὀξείᾳ Χρύϲηϲ Χρυϲίϲ, νῆϲοϲ νηϲίϲ. ϲεϲημείωται τὸ ἄϲιϲ ὁ ῥύποϲ ἀπὸ τοῦ ἄϲη γεγονόϲ. Arc. 35, 24: τὰ εἰϲ ιϲ θηλυκὰ ἀπὸ τῶν εἰϲ ηϲ ἀρϲενικῶν γινόμενα πρὸ μιᾶϲ ἔχει τὸν τόνον ὁ κυνηγέτηϲ ἡ κυνηγέτιϲ, ὁ δεϲπότηϲ ἡ δεϲπότιϲ, ὁ πολίτηϲ ἡ πολῖτιϲ χωρὶϲ τῶν ἀπὸ τῆϲ κοίτηϲ καὶ πωλῶ. ταῦτα γὰρ προπαροξύνεται ἄκοιτιϲ, παράκοιτιϲ, ἀρτόπωλιϲ, λαχανόπωλιϲ. τὸ Ϲκυθίϲ δὲ διϲυλλαβοῦν ὀξύνεται ὡϲ τὸ Περϲίϲ. Περὶ τῶν εἰϲ οϲ. Arc. 38, 14: τὸ γόαοϲ ἐκ τοῦ γόηϲ γέγονε. E. M. 75, 23: πολὺϲ ὁ τοιοῦτοϲ χαρακτὴρ sc. in διοϲ: παυρίδιοϲ, νυμφίδιοϲ Arc. 39, 19. Arc. 40, 5: ὅϲα ἀπὸ τῶν εἰϲ ξ ἢ ρ γίνεται διὰ τοῦ ῑ βραχέοϲ, προπαροξύνεται, Θρηΐκιοϲ, Κιλίκιοϲ, Φαιάκιοϲ, μακάριοϲ, ϲωτήριοϲ. Arc. 40, 11: τὰ διὰ τοῦ ιοϲ ἐθνικὰ ἢ τοπικὰ προπαροξύνεται θαλάϲϲιοϲ, ἐντόπιοϲ, ἐνδάπιοϲ. τὸ δὲ χλωριόϲ ὀξύνεται καὶ θαλαμιόϲ ὁ κωπηλάτηϲ. Arc. 40, 14: τὰ ἀπὸ τῶν εἰϲ οϲ διὰ τοῦ ιοϲ προπαροξύνεται ϲυνεϲταλμένου τοῦ ῑ, πολέμιοϲ, ποτάμιοϲ, μίϲθιοϲ, ῥύθμιοϲ, δέϲμιοϲ. Φρυγίοϲ δὲ τὸ κύριον παροξύνεται. Arc. 42, 28: πᾶν εἰϲ οϲ καθαρὸν ὑπὲρ δύο ϲυλλαβὰϲ τῇ αι διφθόγγῳ παραληγόμενον, εἰ ἀπὸ ὀξυτόνου θηλυκοῦ γένοιτο, προπεριϲπᾶται, ἀρχή ἀρχαῖοϲ, ἀλκή ἀλκαῖοϲ, κορυφή κορυφαῖοϲ. Il. Pr. Λ 301: τὰ ἀπὸ τῶν εἰϲ α ληγόντων μακρᾷ παραληγομένων παραγόμενα διὰ τοῦ αιοϲ προπεριϲπᾶϲθαι θέλει, μοῦϲα Μουϲαῖοϲ, γενναῖοϲ, Πιϲαῖοϲ, ἑρϲαῖοϲ, Ἀϲαῖοϲ. παρὰ γὰρ τὸ αἶϲα γέγονεν καὶ ἐξέϲτη πρότερον τὸ ῑ· οὐ μάχεται τὸ Ἥραιοϲ προπαροξύτονον. πρὸϲ γὰρ ἀντιδιαϲτολὴν τοῦ προπεριϲπωμένου ἐπιθετικοῦ ἐγένετο.

---

Herodianus, Περὶ παρωνύμων, ed. August Lentz. Text: The Greek Library, from the Perseus Digital Library and other open sources, CC BY-SA 4.0. Changes: apostrophes normalised and the text divided into reading sections by Interlinea.
License: CC BY-SA 4.0 (https://creativecommons.org/licenses/by-sa/4.0/). Source: https://thegreeklibrary.pages.lisn.upsaclay.fr/works/tlg0087.tlg026.local001/.