# Περὶ παρωνύμων 2.414-422

Aelius Herodianus, Περὶ παρωνύμων, 2.414 to 2.422. Ancient Greek.

Canonical: https://interlinea.aeterna-institute.org/library/greek/aelius-herodianus/text-16/2.414

Ϲίγειον πόλιϲ Τρῳάδοϲ. ὁ πολίτηϲ Ϲιγειεύϲ. ἔϲτι καὶ ἄλλο ἐθικὸν Ϲίγειοϲ. Περὶ τῶν εἰϲ υοϲ. Δίρφυϲ ὄροϲ Εὐβοίαϲ. τὸ ἐθνικὸν Δίρφυοϲ καὶ Διρφύα ἡ Ἥρα τιμᾶται. Περὶ τῶν εἰϲ ωοϲ. Ἄθωϲ ὄροϲ. τὸ τοπικὸν Ἄθωοϲ χωρὶϲ τοῦ ῑ καὶ Ἀθώουϲ τοὺϲ ἐνοικοῦνταϲ, τὸ δὲ δηλοῦν τὸ ἀζήμιον προπεριϲπᾶται καὶ διὰ τοῦ ῑ ἐκ τῆϲ θῳῆϲ. ἔϲτι καὶ Ἄθωϲ πόλιϲ ἐπὶ τῷ Ἄθῳ. ὁ πολίτηϲ Ἀθωΐτηϲ. Γέλα πόλιϲ Ϲικελίαϲ. τὸ ἐθνικὸν Γελῶοϲ, οὐ Γελοῖοϲ, ὡϲ Ἄβρων καὶ ἡ ϲυνήθεια. καὶ ἴϲωϲ ἀπὸ τοῦ γέλωϲ τὸ Γελῶοϲ. ἐλβώ νῆϲοϲ. τὸ ἐθνικὸν Ἐλβῷοϲ ὡϲ Ϲαρδῷοϲ. Ηρώ πόλιϲ Αἰγυπτία. ὁ πολίτηϲ Ἡρῷοϲ ὡϲ Κῷοϲ. Κῶϲ. τῆϲ Κῶ μονοϲυλλάβου Κῷοϲ καὶ Κώϊοϲ ὡϲ Μινῷοϲ. Λῶϲ νῆϲοϲ περὶ Θεϲϲαλίαν. Λῷοϲ ὁ νηϲιώτηϲ. Πυθῶ ἡ τοῦ Ἀπόλλωνοϲ πόλιϲ. τὸ ἐθνικὸν Πυθῷοϲ ὡϲ Λητώ Λητῷοϲ καὶ Πόθιοϲ. καὶ παρὰ τὴν Πυθώ Πυθεύϲ ὡϲ ενυώ ἐνυεύϲ. καὶ Πυθαιεύϲ καὶ Πυθαεύϲ ὡϲ Κρηταεύϲ. Περὶ τῶν εἰϲ ανοϲ.

---

Herodianus, Περὶ παρωνύμων, ed. August Lentz. Text: The Greek Library, from the Perseus Digital Library and other open sources, CC BY-SA 4.0. Changes: apostrophes normalised and the text divided into reading sections by Interlinea.
License: CC BY-SA 4.0 (https://creativecommons.org/licenses/by-sa/4.0/). Source: https://thegreeklibrary.pages.lisn.upsaclay.fr/works/tlg0087.tlg026.local001/.