ΕΚ ΤΩΝ ΗΡΩΔΙΑΝΟΥ ΠΕΡΙ ΟΠΘΟΓΡΑΦΙΑϹ ΚΑΤΑ ϹΤΟΙΧΕΙΟΝ., Ε., Section 22

εἴαϲκε: ἀπὸ τοῦ ἐάω ἐῶ ἐᾶϲ ἐᾶ, ὁ παρατατικὸϲ εἴων εἴαϲ εἴα καὶ Ἰωνικῶϲ εἴαϲκε. ἐκ τούτου ἔαϲκε ἀποβληθέντοϲ τοῦ ι. τὰ γὰρ τοιαῦτα ἀποβάλλουϲι τὴν ἐν ἀρχαῖϲ κλιτικὴν ἔκταϲιν οἷον ἔτυπτον ἔτυπτεϲ ἔτυπτε τύπτεϲκεν, ἦγον ἦγεϲ ἦγε ἄγεϲκεν. οὕτω καὶ τοῦτο. ἐκ τούτου οὖν τοῦ ἔαϲκε γίνεται εἴαϲκε διὰ τῆϲ ει διφθόγγου κατὰ πλεοναϲμὸν τοῦ ῑ.