# Περὶ ὀρθογραφίας 50.1-5

Aelius Herodianus, Περὶ ὀρθογραφίας, ΕΚ ΤΩΝ ΗΡΩΔΙΑΝΟΥ ΠΕΡΙ ΟΠΘΟΓΡΑΦΙΑϹ ΚΑΤΑ ϹΤΟΙΧΕΙΟΝ., Δ., Section 50. Ancient Greek.

Canonical: https://interlinea.aeterna-institute.org/library/greek/aelius-herodianus/text-28/50.1-5

Διόνυϲοϲ: οἱ μὲν Διόνυξον αὐτὸν ὀνομάζουϲιν , ὅτι ϲὺν κέραϲι γεννώμενοϲ ἔνυξε τὸν Διὸϲ μηρὸν ὡϲ Ϲτηϲίμβροτοϲ, οἱ δὲ Δεύνυϲον. Ἀνακρέων κπολλὰ δ’ ἐρίβρομον Δεύνυϲον»· τοῦ ι τραπέντοϲ εἰϲ ε γίνεται Δεόνυϲοϲ —οὕτω γὰρ οἱ Ϲάμιοι προφέρουϲι —καὶ ϲυναιρέϲει Δεύνυϲοϲ ὡϲ Θεόδοτοϲ Θεόδοτοϲ. ἔνιοι φαϲίν, ὅτι, ἐπειδὴ ἐβαϲίλευϲε Nόϲηϲ, δεῦνον δὲ τὸν βαϲιλέα λέγουϲιν οἱ Ἰνδοί, ὡϲ Ἰόβαϲ. οἱ δὲ ἀπὸ τοῦ Διὸϲ καὶ τῆϲ Νύϲϲηϲ τοῦ ὄρουϲ ὀνομάϲθαι, ἐπεὶ ἐν τούτῳ ἐγεννήθη, ὡϲ Πίνδαροϲ, καὶ ἀνετράφη. οἱ δὲ ἀπὸ τοῦ πολλὰ διανύϲαι καὶ κατορθῶϲαι, ὡϲ Ἀλέξανδροϲ ὁ Θάϲιοϲ. οἱ δὲ ἀπὸ τοῦ δονεύειν καὶ κινεῖν τὰ ϲώματα πλεοναϲμῷ τοῦ ι ὡϲ πυκνόϲ πυκινόϲ. οἱ δὲ ἀπὸ τοῦ Διὸϲ ὑετοῖϲκεράννυϲθαι ὅἐϲτιν ὕδαϲιν, ὡϲ πιθανεύεται Ἀριϲτόδημοϲ.

---

Herodianus, Περὶ ὀρθογραφίας, ed. August Lentz. Text: The Greek Library, from the Perseus Digital Library and other open sources, CC BY-SA 4.0. Changes: apostrophes normalised and the text divided into reading sections by Interlinea.
License: CC BY-SA 4.0 (https://creativecommons.org/licenses/by-sa/4.0/). Source: https://thegreeklibrary.pages.lisn.upsaclay.fr/works/tlg0087.tlg011.local001/.