# Μονόβιβλον περὶ τοῦ ἦν 1

Aelius Herodianus, Μονόβιβλον περὶ τοῦ ἦν, Section 1. Ancient Greek.

Canonical: https://interlinea.aeterna-institute.org/library/greek/aelius-herodianus/text-6/1

λέγει ὁ Ἡρωδιανὸϲ ἐν τῷ περὶ τοῦ ἦν μονοβίβλ ῳ, ὅτι τὸ ἦν εὑρίϲκεται καὶ πρώτου προϲώπου ἑνικοῦ οἷον ἤν ἐγώ, ὡϲ παρ’ Ἀριϲτοφάνει ἐν Πλούτῳ (28) ἐγὼ θεοϲεβὴϲ καὶ δίκαιοϲ ὢν ἀνὴρ κακῶϲ ἔπραττον καὶ πένηϲ ἦν ἀντὶ τοῦ ὑπῆρχον. εὑρίϲκεται καὶ τρίτον πρόϲωπον ἑνικοῦ «ἦν ἐκεῖνοϲ», εὑρέθη δὲ καὶ πρῶτον πρόϲωπον τῶν πληθυντικῶν οἰον «ἦν ἡμεῖϲ» ἀντὶ τοῦ ἦμεν· εἰκότωϲ οὖν καὶ τὸ τρίτον πρόϲωπον τῶν πληθυντικῶν οὐκ ἐνήλλαξε πρὸϲ τὸ ἴδιον πρῶτον πρόϲωπον, ἀλλ’ ἐγένετο καὶ αὐτὸ διὰ τοῦ ῆ «τῆϲ δ’ ἦν τρεῖϲ κεφαλαί» (Ηesiod. Theog. 321) ἀντὶ τοῦ ἦϲαν, ἵνα ὥϲπερ ἐν τοῖϲἑvικοῖϲ τὸ πρῶτον καὶ τρίτον ὁμοφωνῇ.

---

Herodianus, Μονόβιβλον περὶ τοῦ ἦν, ed. August Lentz. Text: The Greek Library, from the Perseus Digital Library and other open sources, CC BY-SA 4.0. Changes: apostrophes normalised and the text divided into reading sections by Interlinea.
License: CC BY-SA 4.0 (https://creativecommons.org/licenses/by-sa/4.0/). Source: https://thegreeklibrary.pages.lisn.upsaclay.fr/works/tlg0087.tlg020.local001/.