# In Aristotelis analyticorum priorum librum I commentarium 25-5

Alexander of Aphrodisias, In Aristotelis analyticorum priorum librum I commentarium, Page 45b25. Ancient Greek.

Canonical: https://interlinea.aeterna-institute.org/library/greek/alexander-of-aphrodisias/in-aristotelis-analyticorum-priorum-librum-i-commentarium/25-5

Καὶ πάλιν εἰ τὸ Δ καὶ τὸ Η τὰ αὐτά. Διὰ τούτων δὲ τὸ ἐπὶ μέρους ἀποφατικὸν συνήγετο· τὸ γὰρ Α οὐ παντὶ τῷ E διὰ τοῦ τὸ μὲν Α οὐδενὶ τῷ H, τὸ δὲ E παντὶ αὐτῷ. ἀλλ’ εἰ τὸ Η τοιοῦτον ληφθείη ὡς πάλιν μόνῳ τὸ E ἕπεσθαι, ὡς καὶ ἐπὶ τῆς πρὸ ταύτης δείξεως, ἀντιστραφήσεται πάλιν καὶ ἔσται τῷ E τὸ Η ἑπόμενον ὥσπερ καὶ τὸ Z. εἰ δὴ τὸ H τῷ Δ ταὐτὸν ἦν, τὸ δὲ Α τῷ Δ οὐδενί, δῆλον ὅτι οὐδὲ τῷ Η· τὸ δὲ Η παντὶ τῷ · τὸ Α ἄρα οὐδενὶ τῷ E. δεῖ οὖν, φησί, καὶ οὕτως ἐπιβλέπειν τε καὶ ἐκλέγειν τὰ προειρημένα, ἐπεὶ καὶ διὰ τῆς τοιαύτης ἐπιβλέψεως δύναται δείκνυσθαι τὸ καθόλου.

---

Alexander of Aphrodisias, In Aristotelis analyticorum priorum librum I commentarium, ed. Maximilian Wallies. Text: The Greek Library, from the Perseus Digital Library and other open sources, CC BY-SA 4.0. Changes: apostrophes normalised and the text divided into reading sections by Interlinea.
License: CC BY-SA 4.0 (https://creativecommons.org/licenses/by-sa/4.0/). Source: https://thegreeklibrary.pages.lisn.upsaclay.fr/works/tlg0732.tlg005.local001/.