# De mysteriis 71

Andocides, De mysteriis, Section 71. Ancient Greek.

Canonical: https://interlinea.aeterna-institute.org/library/greek/andocides/text/71
JSON: https://interlinea.aeterna-institute.org/api/v1/library/greek/andocides/text/71
CTS URN: urn:cts:greekLit:tlg0027.tlg001:71

Κηφίσιος γὰρ οὑτοσὶ ἐνέδειξε μέν με κατὰ τὸν νόμον τὸν κείμενον, τὴν δὲ κατηγορίαν ποιεῖται κατὰ ψήφισμα πρότερον γενόμενον, ὃ εἶπεν Ἰσοτιμίδης, οὗ ἐμοὶ προσήκει οὐδέν. ὁ μὲν γὰρ εἶπεν εἴργεσθαι τῶν ἱερῶν τοὺς ἀσεβήσαντας καὶ ὁμολογήσαντας, ἐμοὶ δὲ τούτων οὐδέτερα πεποίηται· οὔτε ἠσέβηται οὔτε ὡμολόγηται.

---

Andocides, Περὶ τῶν μυστηρίων, ed. Kenneth John Maidment. Text: Perseus Digital Library, via The Greek Library, CC BY-SA 4.0. Changes: apostrophes normalised and the text divided into reading sections by Interlinea.
License: CC BY-SA 4.0 (https://creativecommons.org/licenses/by-sa/4.0/). Source: https://thegreeklibrary.pages.lisn.upsaclay.fr/works/tlg0027.tlg001.local001/.
