# De barbarismo et soloecismo ΠΕΡΙ ΒΑΡΒΑΡΙΣΜΟΥ.

Anonymi de Barbarismo et Soloecismo, De barbarismo et soloecismo, ΠΕΡΙ ΒΑΡΒΑΡΙΣΜΟΥ.. Ancient Greek.

Canonical: https://interlinea.aeterna-institute.org/library/greek/anonymi-de-barbarismo-et-soloecismo/de-barbarismo-et-soloecismo/%CE%A0%CE%95%CE%A1%CE%99%20%CE%92%CE%91%CE%A1%CE%92%CE%91%CE%A1%CE%99%CE%A3%CE%9C%CE%9F%CE%A5.

Βαρβαρισμός ἐστι λέξις ἤτοι περὶ τὰ στοιχεῖα, ἢ περὶ τὰς προσῳδίας ἡμαρτημένη. Διαφέρει δὲ τοῦ Σολοικισμοῦ· ἐπεὶ ὁ μὲν Βαρβαρισμὸς ἐν λέξει γίνεται, ὁ δὲ Σολοικισμὸς ἐν λόγῳ. Γίνεται δὲ ὁ Βαρβαρισμὸς ἐν τῇ λέξει, περὶ πλεονασμὸν στοιχείου, περὶ ἔνδειαν, περὶ ἐναλλαγὴν, περὶ τόνον, περὶ χρόνον, περὶ πνεῦμα. Λέγομεν δὲ Βαρβαρίζειν καὶ τοὺς ἀλλοφύλῳ λέξει χρωμένους· ὡς εἴ τις τὸ μὲν ὑπαυχένιον Κερβικάριον λέγοι, τὸ δὲ χειρόμακτρον, Μάππαν.

---

Anonymi de Barbarismo et Soloecismo, De barbarismo et soloecismo, ed. Ludwig Caspar Valckenaer. Text: The Greek Library, from the Perseus Digital Library and other open sources, CC BY-SA 4.0. Changes: apostrophes normalised and the text divided into reading sections by Interlinea.
License: CC BY-SA 4.0 (https://creativecommons.org/licenses/by-sa/4.0/). Source: https://thegreeklibrary.pages.lisn.upsaclay.fr/works/tlg1129.tlg001.local001/.