# Prolegomena in librum περὶ ἰδεῶν (fragmentum e cod. Ambros. 523) 14.393

Anonymi In Hermogenem, Prolegomena in librum περὶ ἰδεῶν (fragmentum e cod. Ambros. 523), Volume 14. Ancient Greek.

Canonical: https://interlinea.aeterna-institute.org/library/greek/anonymi-in-hermogenem-rhet/prolegomena-in-librum-fragmentum-e-cod-ambros-523/14.393

Διὰ τί Περὶ ἰδεῶν, οὐ <Περὶ> χαρακτήρων εἶπεν; Ὅτι οἱ χαρακτῆρες καὶ ἐπὶ ἐμψύχων καὶ ἐπὶ ἀψύχων [καὶ] ἀκατάληπτοί εἰσιν. αἱ δὲ ἰδέαι ἀπὸ τῶν ἐν προσώποις ἰδεῶν μεταφορικῶς παρελήφθησαν· ὥσπερ γὰρ τὰς ὀνομασίας ἐκ τῆς ἑκάστου ἰδέας γνωρίζομεν καὶ ἐξ αὐτῆς τῆς ὄψεως ἐπιστάμεθα οἷον ἄνδρας, γυναῖκας, παῖδας, οὕτως οἱ ἀρχαῖοι ἐκ τῶν ἰδεῶν γνωρίζοντες ἁδροὺς καὶ ἰσχνοὺς καὶ ἀνθηροὺς τοὺς λόγους ἐκάλεσαν, ἐκ τῶν ἀνθρωπίνων μορφῶν τὰ ὀνόματα θέμενοι.

---

Anonymi In Hermogenem Rhet., Prolegomena in librum περὶ ἰδεῶν (fragmentum e cod. Ambros. 523). Text: The Greek Library, from the Perseus Digital Library and other open sources, CC BY 4.0. Changes: apostrophes normalised and the text divided into reading sections by Interlinea.
License: CC BY 4.0 (https://creativecommons.org/licenses/by/4.0/). Source: https://thegreeklibrary.pages.lisn.upsaclay.fr/works/tlg5024.tlg015.local001/.