# Peri Apiston Περὶ τοῦ μέγα δ᾿ ἔβραχε φήγινος ἄξων.

Anonymi Paradoxographi, Peri Apiston, Περὶ τοῦ μέγα δ᾿ ἔβραχε φήγινος ἄξων.. Ancient Greek.

Canonical: https://interlinea.aeterna-institute.org/library/greek/anonymi-paradoxographi/peri-apiston/%CE%A0%CE%B5%CF%81%E1%BD%B6%20%CF%84%CE%BF%E1%BF%A6%20%CE%BC%CE%AD%CE%B3%CE%B1%20%CE%B4%E1%BE%BF%20%E1%BC%94%CE%B2%CF%81%CE%B1%CF%87%CE%B5%20%CF%86%CE%AE%CE%B3%CE%B9%CE%BD%CE%BF%CF%82%20%E1%BC%84%CE%BE%CF%89%CE%BD.

Μέγα δ᾿ ἔβραχε φήγινος ἄξων βριθοσύνῃ. καὶ πῶς βαρύτητος αἴτιον τὸ ἀβαρές ; φασὶν οὖν ὅτι ὁποῖον ἂν ᾖ τὸ μετέχον, τοιοῦτον ἀνάγκη φαίνεσθαι καὶ τὸ μετεχόμενον. ἑνὸς γὰρ ὄντος τοῦ μετεχομένου θεοῦ, ψυχὴ μὲν ἄλλως, νοῦς δὲ ἄλλως, φαντασία ἄλλως καὶ αἴσθησις ἄλλως μετέχει, ἡ μὲν ἀνειλιγμένως, ὁ δὲ ἀμερίστως, ἡ δὲ μορφωτικῶς, ἡ δὲ παθητικῶς. καὶ ἔστι τὸ μετεχόμενον μονοειδὲς μὲν κατὰ τὴν ὕπαρξιν, πολυειδὲς δὲ κατὰ μέθεξιν, ἄλλοτε ἀλλοῖον διὰ τὴν αὐτῶν ἀσθένειαν τοῖς μετέχουσι φανταζόμενον, καὶ οὐ μόνον ταῦτα, ἀλλὰ καὶ βάρους τὸ ἀβαρὲς αἴτιον φαίνεται.

---

Anonymi Paradoxographi, Peri Apiston, ed. Nicola Festa. Text: The Greek Library, from the Perseus Digital Library and other open sources, CC BY-SA 4.0. Changes: apostrophes normalised and the text divided into reading sections by Interlinea.
License: CC BY-SA 4.0 (https://creativecommons.org/licenses/by-sa/4.0/). Source: https://thegreeklibrary.pages.lisn.upsaclay.fr/works/tlg4037.tlg001.local001/.