Ancient Greek · ~2 min
Book 5, lines 5.37-5.39
ANTHOLOGIA GRAECA, Ἀνθολογία, Volume V 5.37-39
Not analysed yet
Μήτʼ ἰσχνὴν λίην περιλάμβανε, μήτε παχεῖαν
τούτων δʼ ἀμφοτέρων τὴν μεσότητα θέλε.
τῇ μὲν γὰρ λείπει σαρκῶν χύσις, ἡ δὲ περισσὴν
κέκτηται· λεῖπον μὴ θέλε, μηδὲ πλέον·
εὐμεγέθης πείθει με καλὴ γυνή, ἄν τε καὶ ἀκμῆς
ἅπτητʼ, ἄν τε καὶ ᾖ, Σιμύλε, πρεσβυτέρη.
ἡ μὲν γάρ με νέα περιλήψεται, ἡ δὲ παλαιὴ
γραῖά με καὶ ῥυσή, Σιμύλε, λειχάσεται.
οὐκ ἀποθνῄσκειν δεῖ με; τί μοι μέλει, ἤν τε ποδαγρὸς
ἤν τε δρομεὺς γεγονὼς εἰς Ἀίδην ὑπάγω;
πολλοὶ γάρ μʼ ἀροῦσιν. ἔα χωλόν με γενέσθαι·
τῶνδʼ ἕνεκεν γὰρ ἴδʼ ὡς οὔποτʼ ἐῶ θιάσους.