# De caede Herodis 58

Antiphon, De caede Herodis, Section 58. Ancient Greek.

Canonical: https://interlinea.aeterna-institute.org/library/greek/antiphon/text/58
JSON: https://interlinea.aeterna-institute.org/api/v1/library/greek/antiphon/text/58
CTS URN: urn:cts:greekLit:tlg0028.tlg005:58

εἶεν, ἀλλὰ δείσας περὶ ἐμαυτοῦ μὴ αὐτὸς παρʼ ἐκείνου τοῦτο πάθοιμι; καὶ γὰρ ἂν τῶν τοιούτων ἕνεκά τις ἀναγκασθείη τοῦτο ἐργάσασθαι. ἀλλʼ οὐδέν μοι τοιοῦτον ὑπῆρκτο εἰς αὐτόν. ἀλλὰ χρήματα ἔμελλον λήψεσθαι ἀποκτείνας αὐτόν; ἀλλʼ οὐκ ἦν αὐτῷ.

---

Antiphon, Περὶ τοῦ Ἡρῷδου φόνου, ed. Kenneth John Maidment. Text: Perseus Digital Library, via The Greek Library, CC BY-SA 4.0. Changes: apostrophes normalised and the text divided into reading sections by Interlinea.
License: CC BY-SA 4.0 (https://creativecommons.org/licenses/by-sa/4.0/). Source: https://thegreeklibrary.pages.lisn.upsaclay.fr/works/tlg0028.tlg005.local001/.
