Ancient Greek · ~2 min
Episode 15
Aristophanes, Σφῆκες 15.1
Not analysed yet
τίς ἐπʼ αὐλείοισι θύραις θάσσει;
τουτὶ καὶ δὴ χωρεῖ τὸ κακόν.
κλῇθρα χαλάσθω τάδε. καὶ δὴ γὰρ
σχήματος ἀρχὴ —
μᾶλλον δέ γʼ ἴσως μανίας ἀρχή.
πλευρὰν λυγίσαντος ὑπὸ ῥώμης·
οἶον μυκτὴρ μυκᾶται καὶ
σφόνδυλος ἀχεῖ.
πῖθʼ ἑλλέβορον.
πτήσσει Φρύνιχος ὥς τις ἀλέκτωρ—
τάχα βαλλήσεις.
σκέλος οὐράνιόν γʼ ἐκλακτίζων.
πρωκτὸς χάσκει.
κατὰ σαυτὸν ὅρα.
νῦν γὰρ ἐν ἄρθροις τοῖς ἡμετέροις
στρέφεται χαλαρὰ κοτυληδών.