Ancient Greek · ~1 min
Parabasis 11
Aristophanes, Ὄρνιθες 11.1-2
Not analysed yet
εὔδαιμον φῦλον πτηνῶν
οἰωνῶν, οἳ χειμῶνος μὲν
χλαίνας οὐκ ἀμπισχνοῦνται·
οὐδʼ αὖ θερμὴ πνίγους ἡμᾶς
ἀκτὶς τηλαυγὴς θάλπει·
ἀλλʼ ἀνθηρῶν λειμώνων
φύλλων τʼ ἐν κόλποις ναίω,
ἡνίκʼ ἂν ὁ θεσπέσιος ὀξὺ μέλος ἀχέτας
θάλπεσι μεσημβρινοῖς ἡλιομανὴς βοᾷ.
χειμάζω δʼ ἐν κοίλοις ἄντροις
νύμφαοις οὐρείαις ξυμπαίζων·
ἠρινά τε βοσκόμεθα παρθένια
λευκότροφα μύρτα Χαρίτων τε κηπεύματα.