Ancient Greek
Agon 6
Aristophanes, Ὄρνιθες 6.4
Not analysed yet
νῦν δʼ ἀνδράποδʼ ἠλιθίους Μανᾶς·
ὥσπερ δʼ ἤδη τοὺς μαινομένους
βάλλουσʼ ὑμᾶς, κἀν τοῖς ἱεροῖς
πᾶς τις ἐφʼ ὑμῖν ὀρνιθευτὴς
ἵστησι βρόχους παγίδας ῥάβδους
ἕρκη νεφέλας δίκτυα πηκτάς·
εἶτα λαβόντες πωλοῦσʼ ἁθρόους·
οἱ δʼ ὠνοῦνται βλιμάζοντες·
κοὐδʼ οὖν, εἴπερ ταῦτα δοκεῖ δρᾶν,
ὀπτησάμενοι παρέθενθʼ ὑμᾶς,
ἀλλʼ ἐπικνῶσιν τυρὸν ἔλαιον
σίλφιον ὄξος καὶ τρίψαντες
κατάχυσμʼ ἕτερον γλυκὺ καὶ λιπαρόν,
κἄπειτα κατεσκέδασαν θερμὸν
τοῦτο καθʼ ὑμῶν
αὐτῶν ὥσπερ κενεβρείων.