Ancient Greek
Agon 6
Aristophanes, Ὄρνιθες 6.8
Not analysed yet
οὐ γὰρ πολλῷ;
πρῶτον μέν γʼ οὐχὶ νεὼς ἡμᾶς
οἰκοδομεῖν δεῖ λιθίνους αὐτοῖς,
οὐδὲ θυρῶσαι χρυσαῖσι θύραις,
ἀλλʼ ὑπὸ θάμνοις καὶ πρινιδίοις
οἰκήσουσιν. τοῖς δʼ αὖ σεμνοῖς
τῶν ὀρνίθων δένδρον ἐλάας
ὁ νεὼς ἔσται· κοὐκ ἐς Δελφοὺς
οὐδʼ εἰς Ἄμμωνʼ ἐλθόντες ἐκεῖ
θύσομεν, ἀλλʼ ἐν ταῖσιν κομάροις
καὶ τοῖς κοτίνοις στάντες ἔχοντες
κριθὰς πυροὺς εὐξόμεθʼ αὐτοῖς
ἀνατείνοντες τὼ χεῖρʼ ἀγαθῶν
διδόναι τι μέρος· καὶ ταῦθʼ ἡμῖν
παραχρῆμʼ ἔσται
πυροὺς ὀλίγους προβαλοῦσιν.