Ancient Greek · ~2 min
Agon 3
Aristophanes, Ἱππῆς 3.13
Not analysed yet
τὸ πνεῦμʼ ἔλαττον γίγνεται.
φεύξει γραφὰς
ἑκατονταλάντους τέτταρας.
σὺ δʼ ἀστρατείας γʼ εἴκοσιν,
κλοπῆς δὲ πλεῖν ἢ χιλίας.
ἐκ τῶν ἀλιτηρίων σέ φημι
γεγονέναι τῶν τῆς θεοῦ.
τὸν πάππον εἶναί φημί σου
τῶν δορυφόρων —
ποίων; φράσον.
τῶν Βυρσίνης τῆς Ἱππίου.
κόβαλος εἶ.
πανοῦργος εἶ.
παῖʼ ἀνδρικῶς.
ἰοὺ ἰού,
τύπτουσί μʼ οἱ ξυνωμόται.
παῖʼ αὐτὸν ἀνδρειότατα, καὶ
γάστριζε καὶ τοῖς ἐντέροις
καὶ τοῖς κόλοις,
χὤπως κολᾷ τὸν ἄνδρα.