Ancient Greek · ~1 min
Lyric-Scene 11, lines 11.8-11.9
Aristophanes, Βάτραχοι 11.8-9
Not analysed yet
ἀλκυόνες, αἳ παρʼ ἀενάοις θαλάσσης
κύμασι στωμύλλετε,
τέγγουσαι νοτίοις πτερῶν
ῥανίσι χρόα δροσιζόμεναι·
αἵ θʼ ὑπωρόφιοι κατὰ γωνίας
εἱειειειλίσσετε δακτύλοις φάλαγγες
ἱστόπονα πηνίσματα,
κερκίδος ἀοιδοῦ μελέτας,
ἵνʼ ὁ φίλαυλος ἔπαλλε δελφὶς
πρῴραις κυανεμβόλοις
μαντεῖα καὶ σταδίους,
οἰνάνθας γάνος ἀμπέλου,
βότρυος ἕλικα παυσίπονον.
περίβαλλʼ ὦ τέκνον ὠλένας.
ὁρᾷς τὸν πόδα τοῦτον;
ὁρῶ.
τί δαί; τοῦτον ὁρᾷς;
ὁρῶ.