# Epigrammata 63

Callimachus, Epigrammata, Epigram 63. Ancient Greek.

Canonical: https://interlinea.aeterna-institute.org/library/greek/callimachus/text/63
JSON: https://interlinea.aeterna-institute.org/api/v1/library/greek/callimachus/text/63
CTS URN: urn:cts:greekLit:tlg0533.tlg003:63

οὕτως ὑπνώσαις Κωνώπιον, ὡς ἐμὲ ποιεῖς
κοιμᾶσθαι ψυχροῖς τοῖσδε παρὰ προθύροις.
οὕτως ὑπνώσαις ἀδικωτάτη, ὡς τὸν ἐραστήν
κοιμίζεις, ἐλέου δʼ οὐδʼ ὄναρ ἠντίασας.
γείτονες οἰκτείρουσι, σὺ δʼ οὐδʼ ὄναρ. ἡ πολιὴ δέ
αὐτίκʼ ἀναμνήσει ταῦτά σε πάντα κόμη.

---

Callimachus, Ἐπιγράμματα, ed. Ulrich von Wilamowitz-Moellendorff. Text: Perseus Digital Library, via The Greek Library, CC BY-SA 4.0. Changes: apostrophes normalised and the text divided into reading sections by Interlinea.
License: CC BY-SA 4.0 (https://creativecommons.org/licenses/by-sa/4.0/). Source: https://thegreeklibrary.pages.lisn.upsaclay.fr/works/tlg0533.tlg003.local001/.
