# Apotelesmatica (= Tetrabiblos) 4-34

Claudius Ptolemaeus, Apotelesmatica (= Tetrabiblos), ΒΙΒΛΙΟΝ Δ', η'. Περὶ ξενιτείας.. Ancient Greek.

Canonical: https://interlinea.aeterna-institute.org/library/greek/claudius-ptolemaeus/apotelesmatica-tetrabiblos/4-34
JSON: https://interlinea.aeterna-institute.org/api/v1/library/greek/claudius-ptolemaeus/apotelesmatica-tetrabiblos/4-34
CTS URN: urn:cts:greekLit:tlg0363.tlg007:4-34

Ζεὺς μὲν οὗν καὶ Ἀφροδίτη κύριοι γενόμενοι τῶν τὴν ξενιτείαν ποιούντων τόπων καὶ φώτων οὐ μόνον ἀκινδύνους ἀλλὰ καὶ θυμήρεις ποιοῦσι τὰς ὁδοιπορίας, ἤτοι γὰρ ὑπὸ τῶν προεστώτων ἐν ταῖς χώραις ἢ διὰ φίλων ἀφορμὰς παραπέμπονται συνεργούσης αὐτοῖς τῆς τε τῶν καταστημάτων εὐαερίας καὶ τῆς τῶν ἐπιτηδείων ἀφθονίας, προσγενομένου δὲ αὐτοῖς καὶ τοῦ τοῦ Ἑρμοῦ πολλάκις καὶ δι’ αὐτῆς τῆς εἰρημένης συντυχίας ὠφέλειαι καὶ προκοπαὶ καὶ δωρεαὶ καὶ τιμαὶ προσγίνονται·

---

Claudius Ptolemaeus, Apotelesmatica (= Tetrabiblos), ed. Franz Johannes Boll, Emilie Boer. Text: The Greek Library, from the Perseus Digital Library and other open sources, CC BY-SA 4.0. Changes: apostrophes normalised and the text divided into reading sections by Interlinea.
License: CC BY-SA 4.0 (https://creativecommons.org/licenses/by-sa/4.0/). Source: https://thegreeklibrary.pages.lisn.upsaclay.fr/works/tlg0363.tlg007.local001/.