# Fragmenta EX EPISTOLA AD ROMAΝOS QUAM AD SOTEREM EPISCOPUM EORUM SCRIPSIT.

Dionysius Corinthius, Fragmenta, EX EPISTOLA AD ROMAΝOS QUAM AD SOTEREM EPISCOPUM EORUM SCRIPSIT.. Ancient Greek.

Canonical: https://interlinea.aeterna-institute.org/library/greek/dionysius-corinthius/fragmenta/EX%20EPISTOLA%20AD%20ROMA%CE%9DOS%20QUAM%20AD%20SOTEREM%20EPISCOPUM%20EORUM%20SCRIPSIT.

Εξ ἀρχῆς γὰρ ὑμῖν ἔθος ἐστὶ τοῦτο, πάντας μὲν ἀδελφοὺς ποικίλως εὐεργετεῖν, ἐκκλησίαις τε πολλαῖς ταῖς κατὰ πᾶσαν πόλιν ἐφόδια πέμπειν· ὧδε μὲν τὴν τῶν δεομένων πενίαν ἀναψύχοντας· ἐν μετάλλοις δὲ ἀδελφοῖς ὑπάρχουσιν ἐπιχορηγοῦντας· δἰ ὧν πέμπετε ἀρχῆθεν ἐφοδίων, πατροπαράδοτον ἔθος Ῥωμαίων Ῥωμαῖοι διαφυλάττοντες· ὃ οὐ μόνον διατετήρηκεν ὁ μακάριος ὑμῶν ἐπίσκοπος Σωτὴρ, ἀλλὰ καὶ ἐπηύξηκεν· ἐπιχορηγῶν μὲν τὴν διαπεμπομένην δαψίλειαν τὴν εἰς τοὺς ἁγίους· λόγοις δὲ μακαρίοις τοὺς ἀνιόντας ἀδελφοὺς ὡς τέκνα πατὴρ φιλόστοργος παρακαλῶν. Hæc attulit Eusebius lib. iv. Hist. c. 23.

---

Dionysius Corinthius, Fragmenta, ed. Martin Joseph Routh. Text: The Greek Library, from the Perseus Digital Library and other open sources, CC BY-SA 4.0. Changes: apostrophes normalised and the text divided into reading sections by Interlinea.
License: CC BY-SA 4.0 (https://creativecommons.org/licenses/by-sa/4.0/). Source: https://thegreeklibrary.pages.lisn.upsaclay.fr/works/tlg1329.tlg001.local001/.