# Testimonia 2.183.3

Empedocles, Testimonia, 2.183.3. Ancient Greek.

Canonical: https://interlinea.aeterna-institute.org/library/greek/empedocles/testimonia/2.183.3
JSON: https://interlinea.aeterna-institute.org/api/v1/library/greek/empedocles/testimonia/2.183.3

29 PLATO Soph. 242 CD μύθόν τινα ἕκαστος φαίνεται μοι διηγείσθαι παισὶν ὡς οὖσιν ἡμῖν, ὁ μὲν ὡς τρία τὰ ὄντα, πολεμεῖ δὲ ἀλλήλοις ἐνίοτε αὐτῶν ἃττα πη, τοτὲ δὲ καὶ φίλα γινόμενα γάμους τε καὶ τόκους καὶ τροφὰς τῶν ἐκγόνων παρέχεται [bes. Pherekydes von Syros]. δύο δὲ ἕτερος εἰπών, ὕγρόν καὶ ξηρόν ἢ θερμόν καὶ ψυχρόν, συνοικίζει τε αὐτὰ καὶ ἐκδίδωσι [Ar- chelaos?]. τὸ δὲ παρ’ ἡμῶν Ἐλεατικὸν ἕθνος, ἀπὸ Ξενοφάνους τε καὶ ἐπὶ πρόσθεν ἀρξάμενον [Orphiker], ὡς ἑνὸς ὄντος τῶν πάντων καλουμένων οὕτω διεξέρχεται τοὺς μύθους. Ἰάδες δὲ καὶ Σικελαι τινες ὑστερον Μοῦσαι [Hera- klit und Empedokles] ξυνενόησαν, ὅτι συμπλέξειν ἀσφαλέστατον ἀμφότερα καὶ λέγειν, ὡς τὸ ὂν πολλά τε καὶ ἕν ἐστιν, ἐχθραι δὲ καὶ φιλίαι συνέχεται. διαφερόμενον γὰρ ἀεὶ ξυμφέρεται, φασὶν αἱ συντονώτεραι τῶν Μουσῶν, αἱ δὲ μαλακώτεραι τὶ μὲν ἀεὶ ταύθ’ οὕτως ἔχειν ἐχάλασαν, ἐν μέρει δὲ τοτὲ μὲν ἕν εἶναι φασὶ τὸ πᾶν καὶ φίλον ὑπ’ Ἀφροδίτης, τότε δὲ πολλὰ καὶ πολέμιον αὐτὸ αὐτῷ διὰ Νεῖκός τι.

---

Empedocles, Testimonia. Text: Open Greek Corpus, from its own OCR of a public-domain print edition, Public domain. Changes: the text divided into reading sections by Interlinea.
License: Public domain (https://creativecommons.org/publicdomain/mark/1.0/). Source: https://opengreek.org/read/ogc001201.
