Ancient Greek · ~2 min
Episode 9
Euripides, Τρῳάδες 9.3
Not analysed yet
αἰαῖ αἰαῖ· πικρὸν ὄδυρμα
γαῖά σʼ ὦ τέκνον δέξεται.
στέναζε, μᾶτερ,
αἰαῖ.
νεκρῶν ἴακχον.
οἴμοι .
οἴμοι δῆτα σῶν ἀλάστων κακῶν.
τελαμῶσιν ἕλκη τὰ μὲν ἐγώ σʼ ἰάσομαι,
τλήμων ἰατρός, ὄνομʼ ἔχουσα, τἄργα δʼ οὔ·
τὰ δʼ ἐν νεκροῖσι φροντιεῖ πατὴρ σέθεν.
ἄρασσʼ ἄρασσε κρᾶτα
πιτύλους διδοῦσα χειρός,
ἰώ μοί μοι.
ὦ φίλταται γυναῖκες
Ἑκάβη, σὰς ἔνεπε· τίνα θροεῖς αὐδάν;