Ancient Greek · ~1 min
Episode 9
Euripides, Τρῳάδες 9.6
Not analysed yet
ὀττοτοτοτοτοῖ.
Κρόνιε, πρύτανι Φρύγιε, γενέτα
πάτερ, ἀνάξια τᾶς Δαρδάνου
γονᾶς τάδʼ οἷα πάσχομεν δέδορκας;
δέδορκεν, ἁ δὲ μεγαλόπολις
ἄπολις ὄλωλεν οὐδʼ ἔτʼ ἔστι Τροία.
ὀττοτοτοτοτοῖ.
λέλαμπεν Ἴλιος, Περ-
γάμων τε πυρὶ καταίθεται τέραμνα
καὶ πόλις ἄκρα τε τειχέων.
πτέρυγι δὲ καπνὸς ὥς τις οὐ-
ρανίᾳ πεσοῦσα δορὶ καταφθίνει γᾶ.
μαλερὰ μέλαθρα πυρὶ κατάδρομα
δαΐῳ τε λόγχᾳ.