Ancient Greek · ~2 min
Choral 4
Euripides, Βάκχαι 4.2-2
Not analysed yet
ὁ δαίμων ὁ Διὸς παῖς
χαίρει μὲν θαλίαισιν,
φιλεῖ δʼ ὀλβοδότειραν Εἰ-
ρήναν, κουροτρόφον θεάν.
ἴσαν δʼ ἔς τε τὸν ὄλβιον
τόν τε χείρονα δῶκʼ ἔχειν
οἴνου τέρψιν ἄλυπον·
μισεῖ δʼ ᾧ μὴ ταῦτα μέλει,
κατὰ φάος νύκτας τε φίλας
εὐαίωνα διαζῆν,
σοφὰν δʼ ἀπέχειν πραπίδα φρένα τε
περισσῶν παρὰ φωτῶν·
τὸ πλῆθος ὅ τι
τὸ φαυλότερον ἐνόμισε χρῆ-
ταί τε, τόδʼ ἂν δεχοίμαν.