Ancient Greek · ~2 min
Choral 8
Euripides, Ἠλέκτρα 8.1
Not analysed yet
θὲς ἐς χορόν, ὦ φίλα, ἴχνος,
ὡς νεβρὸς οὐράνιον
πήδημα κουφίζουσα σὺν ἀγλαΐᾳ.
νικᾷ στεφαναφορίαν
κρείσσω τοῖς παρʼ Ἀλφειοῦ ῥεέθροισι τελέσσας
κασίγνητος σέθεν· ἀλλʼ ἐπάειδε
καλλίνικον ᾠδὰν ἐμῷ χορῷ.
ὦ φέγγος, ὦ τέθριππον ἡλίου σέλας,
ὦ γαῖα καὶ νὺξ ἣν ἐδερκόμην πάρος,
νῦν ὄμμα τοὐμὸν ἀμπτυχαί τʼ ἐλεύθεροι,
ἐπεὶ πατρὸς πέπτωκεν Αἴγισθος φονεύς.
φέρʼ, οἷα δὴ χω καὶ δόμοι κεύθουσί μου
κόμης ἀγάλματʼ ἐξενέγκωμαι, φίλαι,
στέψω τʼ ἀδελφοῦ κρᾶτα τοῦ νικηφόρου.