Ancient Greek · ~2 min
Choral 6
Euripides, Ἡρακλῆς 6.1-2
Not analysed yet
εἰ δὲ θεοῖς ἦν ξύνεσις
καὶ σοφία κατʼ ἄνδρας,
δίδυμον ἂν ἥβαν ἔφερον
φανερὸν χαρακτῆρʼ ἀρετᾶς
ὅσοισιν μέτα, κατθανόντες τʼ
εἰς αὐγὰς πάλιν ἁλίου
δισσοὺς ἂν ἔβαν διαύλους,
ἁ δυσγένεια δʼ ἁπλοῦν ἂν
εἶχεν ζόας βίοτον,
καὶ τῷδʼ ἦν τούς τε κακοὺς ἂν
γνῶναι καὶ τοὺς ἀγαθούς,
ἴσον ἅτʼ ἐν νεφέλαισιν ἄ-
στρων ναύταις ἀριθμὸς πέλει.
νῦν δʼ οὐδεὶς ὅρος ἐκ θεῶν
χρηστοῖς οὐδὲ κακοῖς σαφής,
ἀλλʼ εἱλισσόμενός τις αἰ-
ὼν πλοῦτον μόνον αὔξει.