# Commentarii in Psalmos (Tom. I: Ps 1–50) 3.10-11

Eusebius, Commentarii in Psalmos (Tom. I: Ps 1–50), Edition urn:cts:pta:pta0003.pta020.pta-grcBibex3, ρμβʹ Προσευχὴ ἐξομολογουμένου. Ancient Greek.

Canonical: https://interlinea.aeterna-institute.org/library/greek/eusebius-scr-eccl-et-theol/commentarii-in-psalmos-tom-i-ps-1-50/3.10-11

Γνώρισόν μοι, κύριε, ὁδόν, ἐν ᾗ πορεύσομαι, ὅτι πρὸς σὲ ἦρα τὴν ψυχήν μου. Ἐπειδὴ οὐκέτι χαμαὶ κεῖται ἡ ψυχή μου, ἀλλ’ ἦρα αὐτὴν ἀπὸ τοῦ ἐδάφους, εἰς ὃ καταπέπτωκεν, καὶ ὅλην ταύτην σοι ἀνέθηκα. διὸ ἀνιστὰς χάρισαί μοι γνῶσιν τῆς ἐπὶ σέ, τὸν θεόν, διὰ μετανοίας φερούσης ὁδοῦ ἢ τῆς μετὰ τὴν ἀπὸ τοῦ σώματος ἀπαλλαγὴν ἀγούσης ἐπὶ τὰ οὐράνια· θνητὸς γὰρ πῶς ἂν νοήσαι τὰς ὁδοὺς αὐτοῦ ; καὶ κατὰ βούλημα τὸ σὸν πορεύεσθαι πράξει καὶ νοήσει ποθῶ.

---

Eusebius Caesariensis, Commentarii in Psalmos (Tom. I: Ps 1–50), ed. Franz Xaver Risch Editor Berlin-Brandenburgische Akademie der Wissenschaften. Text: The Greek Library, from the Perseus Digital Library and other open sources, CC BY-SA 4.0. Changes: apostrophes normalised and the text divided into reading sections by Interlinea.
License: CC BY-SA 4.0 (https://creativecommons.org/licenses/by-sa/4.0/). Source: https://thegreeklibrary.pages.lisn.upsaclay.fr/works/tlg2018.tlg034.local003/.