# Commentarii in Psalmos (Tom. I: Ps 1–50) 3.12-10

Eusebius, Commentarii in Psalmos (Tom. I: Ps 1–50), Edition urn:cts:pta:pta0003.pta020.pta-grcBibex3, ρλαʹ Προσευχὴ τοῦ Δαυὶδ καὶ ἐπιφάνεια Χριστοῦ. Ancient Greek.

Canonical: https://interlinea.aeterna-institute.org/library/greek/eusebius-scr-eccl-et-theol/commentarii-in-psalmos-tom-i-ps-1-50/3.12-10

Ἐκεῖ ἐξανατελῶ κέρας τῷ Δαυίδ, ἡτοίμασα λύχνον τῷ χριστῷ μου. Τοσαῦτα περὶ τῆς ἐκκλησίας εἰπὼν τὰς πρὸς τὸν Δαυὶδ ἐπαγγελίας πιστοῦται φάσκων, ὅτι οὐκ ἔσται τῶν ἀγαθῶν τούτων ἀλλότριος· τὸ γὰρ ἐξ αὐτοῦ κέρας ἐκεῖ διαλάμψει· οὐδὲ γὰρ παρ’ ἑτέροις ὁ ἐκ τῆς κοιλίας Δαυὶδ προελευσόμενος καρπὸς δοξασθήσεται ὡς ἐκεῖ, ἔνθα καὶ τὸ κέρας καὶ ἡ βασιλεία ἡ ἐκ Δαυὶδ διὰ τοῦ σπέρματος αὐτοῦ, τουτέστι τοῦ Χριστοῦ, ὑψωθήσεται κατὰ τὸ εἰρημένον· ἐν τῷ ὀνόματί μου ὑψωθήσεται τὸ κέρας αὐτοῦ .οὐ μόνον δὲ τὸ κέρας, τουτέστιν ἡ βασιλεία τοῦ Χριστοῦ δηλαδὴ ἐν τῇ ἐκκλησίᾳ αὐτοῦ, ὑψωθήσεται, ἀλλὰ καὶ ὁ λύχνος, δῆλον δὲ ὅτι τὸ σῶμα, δι’ οὗ τὸ φῶς τὸ ἀληθινὸν ὥσπερ διὰ λύχνου φάναν ἐξέλαμψεν εἰς πάντας ἀνθρώπους τὰς αὐγὰς τῆς δυνάμεως αὐτοῦ προβεβλημένον.

---

Eusebius Caesariensis, Commentarii in Psalmos (Tom. I: Ps 1–50), ed. Franz Xaver Risch Editor Berlin-Brandenburgische Akademie der Wissenschaften. Text: The Greek Library, from the Perseus Digital Library and other open sources, CC BY-SA 4.0. Changes: apostrophes normalised and the text divided into reading sections by Interlinea.
License: CC BY-SA 4.0 (https://creativecommons.org/licenses/by-sa/4.0/). Source: https://thegreeklibrary.pages.lisn.upsaclay.fr/works/tlg2018.tlg034.local003/.