# Commentarii in Psalmos (Tom. I: Ps 1–50) 3.12-8

Eusebius, Commentarii in Psalmos (Tom. I: Ps 1–50), Edition urn:cts:pta:pta0003.pta020.pta-grcBibex3, ριηʹ Στοιχείωσις τῆς κατὰ θεὸν εἰσαγωγῆς. Ancient Greek.

Canonical: https://interlinea.aeterna-institute.org/library/greek/eusebius-scr-eccl-et-theol/commentarii-in-psalmos-tom-i-ps-1-50/3.12-8

Ὁδὸν ἐντολῶν σου ἔδραμον, ὅταν ἐπλάτυνας τὴν καρδίαν μου. Διέδραμόν, φησίν, ἐν βραχεῖ χρόνῳ οὐ μιᾶς ἐντολῆς, ἀλλὰ πασῶν τῶν ἐντολῶν σου τὴν ὁδὸν ἔργοις ἐπιτελῶν καὶ αὐταῖς πράξεσι τὰ ὑπὸ τῶν ἐντολῶν σου διηγορευμένα, ὅθεν καὶ Παῦλος τετελεκὼς τοῦτό φησιν· τὸν δρόμον τετέλεκα, τὴν πίστιν τετήρηκα . Διατρέχει δέ τις τὴν τῶν ἐντολῶν ὁδὸν μὴ στενοχωρούμενος ὑπὸ λογισμῶν πονηρῶν, ἀλλ’ ἐκ πολλῆς καθάρσεως ὑπὸ θεοῦ πλατυνόμενος· ἀμφοτέρων γὰρ δεῖ· καὶ τοῦ μὴ ἄκανθαι βιωτικαὶ συμπνίγειν τὸ καλὸν ἐν ἡμῖν σπέρμα καὶ τοῦ βοηθεῖσθαι ὑπὸ θεοῦ.

---

Eusebius Caesariensis, Commentarii in Psalmos (Tom. I: Ps 1–50), ed. Franz Xaver Risch Editor Berlin-Brandenburgische Akademie der Wissenschaften. Text: The Greek Library, from the Perseus Digital Library and other open sources, CC BY-SA 4.0. Changes: apostrophes normalised and the text divided into reading sections by Interlinea.
License: CC BY-SA 4.0 (https://creativecommons.org/licenses/by-sa/4.0/). Source: https://thegreeklibrary.pages.lisn.upsaclay.fr/works/tlg2018.tlg034.local003/.