# Commentarii in Psalmos (Tom. I: Ps 1–50) 3.3-39

Eusebius, Commentarii in Psalmos (Tom. I: Ps 1–50), Edition urn:cts:pta:pta0003.pta020.pta-grcBibex3, ρμζʹ Ὕμνος σὺν θεολογίᾳ. Ancient Greek.

Canonical: https://interlinea.aeterna-institute.org/library/greek/eusebius-scr-eccl-et-theol/commentarii-in-psalmos-tom-i-ps-1-50/3.3-39

Εἰ δὲ καὶ νοήσειέ τις τὸν ἄρτον τὸν ἐξ οὐρανοῦ καταβεβηκότα, ἐξ οὗ διαπαντὸς τρέφεται ὁ Χριστοῦ λαὸς ζωογονοῦντος καὶ ζωοποιοῦντος οὐ τὰ σώματα τῶν ἀνθρώπων, ἀλλὰ τὰς ψυχὰς καὶ πληροῦντος αὐτὰς δυνάμεως καὶ ἰσχύος, ὡς μέχρι θανάτου ὑπὲρ εὐσεβείας ἑστάναι καὶ μηδὲ πώποτε τοῖς πολεμίοις παραχωρεῖν, πῶς οὐκ ἂν ἡγήσαιτο ἐπὶ ταύτης μᾶλλον κυριολεκτεῖσθαι τὴν λέγουσαν φωνήν· καὶ στέαρ πυροῦ ἐμπιπλῶν σε; πυρὸς γὰρ τίς ἦν ἄλλος, εἰ μὴ ὁ εἰπών· ἐὰν μὴ ὁ κόκκος τοῦ σίτου πεσὼν εἰς τὴν γῆν ἀποθάνῃ, αὐτὸς μόνος μένει· ἐὰν δὲ ἀποθάνῃ, πλεῖστον καρπὸν φέρει · ὁ αὐτὸς δ’ ἐστιν ὁ εἰπών· ἐγώ εἰμι ὁ ἄρτος τῆς ζωῆς ὁ ἐκ τοῦ οὐρανοῦ καταβὰς καὶ ζωὴν διδοὺς τοῖς ἀνθρώποις .

---

Eusebius Caesariensis, Commentarii in Psalmos (Tom. I: Ps 1–50), ed. Franz Xaver Risch Editor Berlin-Brandenburgische Akademie der Wissenschaften. Text: The Greek Library, from the Perseus Digital Library and other open sources, CC BY-SA 4.0. Changes: apostrophes normalised and the text divided into reading sections by Interlinea.
License: CC BY-SA 4.0 (https://creativecommons.org/licenses/by-sa/4.0/). Source: https://thegreeklibrary.pages.lisn.upsaclay.fr/works/tlg2018.tlg034.local003/.