# Commentarii in Psalmos (Tom. I: Ps 1–50) 3.4-29

Eusebius, Commentarii in Psalmos (Tom. I: Ps 1–50), Edition urn:cts:pta:pta0003.pta020.pta-grcBibex3, ρμγʹ Εὐχαριστία νενικηκότος. Ancient Greek.

Canonical: https://interlinea.aeterna-institute.org/library/greek/eusebius-scr-eccl-et-theol/commentarii-in-psalmos-tom-i-ps-1-50/3.4-29

Ἄνθρωπος ματαιότητι ὡμοιώθη, αἱ ἡμέραι αὐτοῦ ὡσεὶ σκιὰ παράγουσιν. Ὡμοιώθη μὲν ματαιότητι, ἀλλ’ οὐκ ἦν ματαιότης, ἐπειδὴ ἐν τιμῇ ὢν οὐ συνῆκεν, ἀλλὰ συνεβλήθη τοῖς κτήνεσι τοῖς ἀνοήτοις ,ἅπερ ἐστὶν ἀληθῶς ματαιότης. θεῷ δὲ ἀφωμοίωται ἅτε κατ’ εἰκόνα θεοῦ μεμορφωμένος τὴν ψυχὴν κατὰ τὰς τοῦ θεοῦ ἀρετάς. τοῦ δὲ τοῖς κτήνεσιν ὁμοιωθέντος καὶ τῇ σωματικῇ ματαιότητι παραβληθέντος αἱ ἡμέραι ὡσεὶ σκιὰ παράγουσι. διό φησιν ὁ Ἰώβ· σκιὰ γὰρ ἡμῶν ἐστιν ἐπὶ γῆς ὁ βίος , ἀλλ’ οὐχὶ καὶ παρὰ τῷ θεῷ αἱ ἡμέραι τοιαῦται.

---

Eusebius Caesariensis, Commentarii in Psalmos (Tom. I: Ps 1–50), ed. Franz Xaver Risch Editor Berlin-Brandenburgische Akademie der Wissenschaften. Text: The Greek Library, from the Perseus Digital Library and other open sources, CC BY-SA 4.0. Changes: apostrophes normalised and the text divided into reading sections by Interlinea.
License: CC BY-SA 4.0 (https://creativecommons.org/licenses/by-sa/4.0/). Source: https://thegreeklibrary.pages.lisn.upsaclay.fr/works/tlg2018.tlg034.local003/.