# Commentarii in Psalmos (Tom. I: Ps 1–50) 3.5-20

Eusebius, Commentarii in Psalmos (Tom. I: Ps 1–50), Edition urn:cts:pta:pta0003.pta020.pta-grcBibex3, ρλζʹ Εὐχαριστία μετὰ προφητείας. Ancient Greek.

Canonical: https://interlinea.aeterna-institute.org/library/greek/eusebius-scr-eccl-et-theol/commentarii-in-psalmos-tom-i-ps-1-50/3.5-20

Ἐὰν πορευθῶ ἐν μέσῳ θλίψεως, ζήσεις με. ἐπ’ ὀργὴν ἐχθρῶν μου ἐξέτεινας χεῖρά σου, καὶ ἔσωσέ με ἡ δεξιά σου. κύριος ἀνταποδώσει ὑπὲρ ἐμοῦ. Τὰ ὑπὸ τοῦ προφητικοῦ πνεύματος ἐν αὐτῷ καὶ δι’ αὐτοῦ λαληθέντα μαθὼν ὁ Δαυὶδ καὶ παιδευθείς, ὅτι ὑψηλὸς ὁ κύριος καὶ τὰ ταπεινὰ ἐφορᾷ , ἀγαθὰς ἑαυτῷ ὐπογράφει ἐλπίδας καὶ θαρσεῖν ἑαυτῷ παρακελεύεται εἰδώς, ὅτι ὁ τὰ ταπεινὰ ἐφορῶν , οὗτος συνέσται αὐτῷ ἐν παντὶ καιρῷ περιστατικῷ ἐν αὐτοῖς τοῖς πειρασμοῖς καὶ ταῖς θλίψεσιν οὐκ ἐγκαταλιπὼν αὐτόν. σαφέστερον ταῦτα ἐξέδωκεν ὁ Σύμμαχος εἰπών· ἐὰν πορευθῶ διὰ μέσου θλίψεως, περισώσεις με. κατὰ τῆς ἀναπνοῆς τῶν ἐχθρῶν μου ἐκτείνεις χεῖρά σου, καὶ σώσει με ἡ δεξιά σου. κύριος ἐπιτελέσει ὑπὲρ ἐμοῦ.

---

Eusebius Caesariensis, Commentarii in Psalmos (Tom. I: Ps 1–50), ed. Franz Xaver Risch Editor Berlin-Brandenburgische Akademie der Wissenschaften. Text: The Greek Library, from the Perseus Digital Library and other open sources, CC BY-SA 4.0. Changes: apostrophes normalised and the text divided into reading sections by Interlinea.
License: CC BY-SA 4.0 (https://creativecommons.org/licenses/by-sa/4.0/). Source: https://thegreeklibrary.pages.lisn.upsaclay.fr/works/tlg2018.tlg034.local003/.