# Commentarii in Psalmos (Tom. I: Ps 1–50) 3.6-15

Eusebius, Commentarii in Psalmos (Tom. I: Ps 1–50), Edition urn:cts:pta:pta0003.pta020.pta-grcBibex3, ριθʹ Παροικίας. Ancient Greek.

Canonical: https://interlinea.aeterna-institute.org/library/greek/eusebius-scr-eccl-et-theol/commentarii-in-psalmos-tom-i-ps-1-50/3.6-15

Μετὰ τῶν μισούντων τὴν εἰρήνην ἤμην εἰρηνικός. ὅταν ἐλάλουν αὐτοῖς, ἐπολέμουν με δωρεάν. Ὁ μὲν οὖν θεοφιλὴς καὶ ἐν τῇ παροικίᾳ ὢν εἰρηνικός ἐστι πρὸς πάντας φυλάττων τό· ἀγαπᾶτε τοῦς ἐχθροὺς ὑμῶν . εἰρηνικὸς δὲ ἦν ἅτε ἀπὸ τῆς Ἱερουσαλὴμ ὁρμώμενος, ἥτις ἑρμηνεύεται ὅρασις εἰρήνης. ἧς οἱ πολέμιοι τῆς Κηδὰρ ὄντες οἰκεῖοι, τουτέστι τοῦ σκοτασμοῦ, μισοῦντες τὴν εἰρήνην, ἅτε τῆς Ἱερουσαλὴμ ὄντες ἐχθροί, τὸν τὰ πρόσφορα καὶ εἰρηνικὰ συμβουλεύοντα ὡς ἐναντία παραινοῦντα πολεμοῦσι καὶ ἐλαύνουσιν ἅτε ἀλλότριον αὐτῶν ὄντα.

---

Eusebius Caesariensis, Commentarii in Psalmos (Tom. I: Ps 1–50), ed. Franz Xaver Risch Editor Berlin-Brandenburgische Akademie der Wissenschaften. Text: The Greek Library, from the Perseus Digital Library and other open sources, CC BY-SA 4.0. Changes: apostrophes normalised and the text divided into reading sections by Interlinea.
License: CC BY-SA 4.0 (https://creativecommons.org/licenses/by-sa/4.0/). Source: https://thegreeklibrary.pages.lisn.upsaclay.fr/works/tlg2018.tlg034.local003/.