# Commentarii in Psalmos (Tom. I: Ps 1–50) 3.7-5

Eusebius, Commentarii in Psalmos (Tom. I: Ps 1–50), Edition urn:cts:pta:pta0003.pta020.pta-grcBibex3, ρεʹ Διδασκαλία δυσσεβείας τοῦ Ἰουδαίων ἔθνους. Ancient Greek.

Canonical: https://interlinea.aeterna-institute.org/library/greek/eusebius-scr-eccl-et-theol/commentarii-in-psalmos-tom-i-ps-1-50/3.7-5

Καὶ ἐπίστευσαν ἐν τοῖς λόγοις αὐτοῦ καὶ ᾖσαν τὴν αἴνεσιν αὐτοῦ. ἐτάχυναν ἐπελάθοντο τῶν ἔργων αὐτοῦ. Ὁ μὲν κύριος μὴ ἀρκεσθεὶς τοῖς κατὰ τὴν Αἴγυπτον θαυμασίοις καὶ διὰ τῶν κατὰ τὴν Ἐρυθρὰν Θάλασσαν ἐγνώρισεν αὐτοῖς τὴν δυναστείαν αὐτοῦ πανταχόθεν αὐτοὺς συνελαύνων ἐπὶ τὴν σωτηρίαν αὐτῶν. οἱ δὲ νικήσαντες πρὸς μὲν ὀλίγον ἐπίστευον τοῖς λόγοις αὐτοῦ, διελθόντες δὲ τὴν Ἐρυθρὰν Θάλασσαν ἠπίστουν. ὅτε καὶ ᾔνεσαν τὴν αἴνεσιν αὐτοῦ σὺν τῷ Μωυσῇ καὶ Ἀαρών, τὴν ᾠδὴν τὴν ἐν τῇ Ἐξόδῳ , παραυτίκα καὶ παραχρῆμα μεταβαλόμενοι ἐτάχυναν καὶ ἐπελάθοντο τῶν ἔργων αὐτοῦ.

---

Eusebius Caesariensis, Commentarii in Psalmos (Tom. I: Ps 1–50), ed. Franz Xaver Risch Editor Berlin-Brandenburgische Akademie der Wissenschaften. Text: The Greek Library, from the Perseus Digital Library and other open sources, CC BY-SA 4.0. Changes: apostrophes normalised and the text divided into reading sections by Interlinea.
License: CC BY-SA 4.0 (https://creativecommons.org/licenses/by-sa/4.0/). Source: https://thegreeklibrary.pages.lisn.upsaclay.fr/works/tlg2018.tlg034.local003/.