# In Platonis Timaeum commentarii fragmenta (e cod. Paris. gr. 2838) 8

Galen, In Platonis Timaeum commentarii fragmenta (e cod. Paris. gr. 2838), Fragment 8. Ancient Greek.

Canonical: https://interlinea.aeterna-institute.org/library/greek/galen/in-platonis-timaeum-commentarii-fragmenta-e-cod-paris-gr-2838/8

78b2s. Τούτοις οὖν κατεχρήσατο ὁ θεὸς εἰς τὴν ἐκ τῆς κοιλίας ἐπὶ τὰς φλέβας ὑδρείαν. Τούτοις λέγει τοῖς προειρημένοις, τῷ τε πνεύματι καὶ τῷ πυρί· ‘πῦρ’ γὰρ ὀνομάζει τὴν ἐν τῷ σώματι θερμασίαν, ἀπὸ τοῦ γεννήσαντος αὐτὴν στοιχείου τὴν προσηγορίαν μεταφέρων, ἐπειδὴ τὸ θερμὸν ἅπαν ἐπικρατείᾳ πυρὸς γέγονε τοιοῦτον.

---

Galenus Med., In Platonis Timaeum commentarii fragmenta (e cod. Paris. gr. 2838). Text: The Greek Library, from the Perseus Digital Library and other open sources, CC BY 4.0. Changes: apostrophes normalised and the text divided into reading sections by Interlinea.
License: CC BY 4.0 (https://creativecommons.org/licenses/by/4.0/). Source: https://thegreeklibrary.pages.lisn.upsaclay.fr/works/tlg0057.tlg005.local001/.