# Linguarum seu dictionum exoletarum Hippocratis explicatio 19.122

Galen, Linguarum seu dictionum exoletarum Hippocratis explicatio, Volume 19. Ancient Greek.

Canonical: https://interlinea.aeterna-institute.org/library/greek/galen/linguarum-seu-dictionum-exoletarum-hippocratis-explicatio/19.122

μεμωρωμένα: τὰ ἀναίσθητα. μεσόδμη: ἡ καθ' ἕνα οἶκον εἰς δύο μεμερισμένον διορίζουσα, τοῦ δοκοῦ εἶρξις, οἷον μεσοδομή τις οὖσα, τινὲς δὲ καὶ τὸ ὑπερκείμενον στέγος μεσόδμην καλοῦσι. μεσόβλημα: ὡς εἰ καὶ μεσέντη ἔλεγεν. μετακύρας: ἐν τῷ περὶ διαίτης ὀξέων, τὸ γαλακτῶδες σύγκραμα. μηκώνιον: τὸν πεπλεὸν καλούμενον, ὃν καὶ μηκωνίτην ὀνομάζει. μήλην διαστομωτρίδα: τὸν διαστολέα. μήλην ἐξωτίδα: τὴν μηλωτίδα. μήλην ἰσχυρήν: τὴν τραυματικὴν μήλην. μήλῃ πλατείῃ: τῇ σπαθομήλῃ. μήλης τῷ πλάτει: τῷ κυαθίσκῳ τῆς ὀφθαλμικῆς μήλης. μῆλα: τὰ προβάτια. μηλίας: ἡ ἀπὸ Μήλης τῆς νήσου. μηλιάδος ὠμῆς: τῆς ἀπὸ Μήλου χαλκίτεως ἢ στυπτηρίας.

---

Galenus Med., Linguarum seu dictionum exoletarum Hippocratis explicatio. Text: The Greek Library, from the Perseus Digital Library and other open sources, CC BY 4.0. Changes: apostrophes normalised and the text divided into reading sections by Interlinea.
License: CC BY 4.0 (https://creativecommons.org/licenses/by/4.0/). Source: https://thegreeklibrary.pages.lisn.upsaclay.fr/works/tlg0057.tlg106.local001/.