# Linguarum seu dictionum exoletarum Hippocratis explicatio 19.131

Galen, Linguarum seu dictionum exoletarum Hippocratis explicatio, Volume 19. Ancient Greek.

Canonical: https://interlinea.aeterna-institute.org/library/greek/galen/linguarum-seu-dictionum-exoletarum-hippocratis-explicatio/19.131

πικέριον: βούτυρον. πιτυΐδι: πιτυΐνῃ ῥητίνῃ. πιτύλοις: εἰρεσίαις ἢ κώπαις. πλαταμών: ἔφαλος πέτρα λεία, ταπεινὴ, περὶ ἣν πλατύνεται τὰ κύματα. πλεκτανέων: πλεγμάτων, ἀπαρτημάτων περιπλεκτικῶν. πλεννεραί: μυξώδεις. καὶ πλέννα ἡ μύξα. πλευμοῖ: πλευμώδης γίνεται ἢ φθίνει. πλεῦμος: φθόη ἢ τὸ πλευμῶδες πάθος. πλήμην: τροχοῦ χοινικίδα. πλήστιγγας: νάρθηκας, παρὰ τὸ πλήσσειν. πνευματώδεις: ὅ τε ἐμπεφυσμένος καὶ ὁ δύσπνους, λέγει γὰρ πολλάκις καὶ αὐτὴν τὴν δύσπνοιαν, πνεῦμα. ποίη: τὰ πρωτογάλακτα τὰ ἐξ ἑαυτῶν πηγνύμενα. ποίην: τὴν ἔχουσαν τὸ φύλλον ὅμοιον οἰκάρῳ τὴν φύσιν, ὡς τὸ τῆς κισσαμπέλου καλουμένης εἶδος.

---

Galenus Med., Linguarum seu dictionum exoletarum Hippocratis explicatio. Text: The Greek Library, from the Perseus Digital Library and other open sources, CC BY 4.0. Changes: apostrophes normalised and the text divided into reading sections by Interlinea.
License: CC BY 4.0 (https://creativecommons.org/licenses/by/4.0/). Source: https://thegreeklibrary.pages.lisn.upsaclay.fr/works/tlg0057.tlg106.local001/.