# Linguarum seu dictionum exoletarum Hippocratis explicatio 19.149

Galen, Linguarum seu dictionum exoletarum Hippocratis explicatio, Volume 19. Ancient Greek.

Canonical: https://interlinea.aeterna-institute.org/library/greek/galen/linguarum-seu-dictionum-exoletarum-hippocratis-explicatio/19.149

ἰσχναίνει. δοκεῖ δὲ καὶ τὸ μακρόπνους καὶ τὸ βραχύπνους διχῶς ὡσαύτως λέγεσθαι. ὑπερτονεῖ: ὑπερτείνεται. ὑπερυδρόν: ἄγαν πλήρη τοῦ παρακεχυμένου ὕδατος. ὑπερχολήσει: πολλῆς πληρώσει χολῆς. ὑπερψύχθη: μετρίως ὑπανῆλθε τῆς πυρεκτικῆς θερμότητος. ὑπνοῦσα: ὑπνωτικῶς ἔχουσα, ὕπνῳ κοιμωμένη. ὑπολείβεται: ὑποστάζει, ὑποῤῥεῖ. ὕπομβρον: ὕφυγρον, ὑπόπυον. ὑπομύσαρα: δυσώδη καὶ ἄξια τοῦ μυσάττεσθαι. ὑπονησαμένη: ὑποκολυμβήσασα, ὑπελθοῦσα. ὑπόξηρα: ὑπόκοιλα, ταπεινότερα. ὑπόξυρος: γρυπὸς τὴν ῥῖνα, διὰ τὸ ταπεινότερα τὰ πέριξ εἶναι τοῦ ὑψώματος. ὑποξύρους: ταπεινοτέρας, προσεσταλμένας. εἴρηται δὲ ἐπὶ γαστέρων ἐν τῷ μείζονι προῤῥητικῷ. ὑπόσφαγμα: ὅλου τοῦ μέλανος τῆς σηπίας τὸ οἷον ὑπότρυγον.

---

Galenus Med., Linguarum seu dictionum exoletarum Hippocratis explicatio. Text: The Greek Library, from the Perseus Digital Library and other open sources, CC BY 4.0. Changes: apostrophes normalised and the text divided into reading sections by Interlinea.
License: CC BY 4.0 (https://creativecommons.org/licenses/by/4.0/). Source: https://thegreeklibrary.pages.lisn.upsaclay.fr/works/tlg0057.tlg106.local001/.