# Epistulae interpolatae et epistulae suppositiciae (recensio longior) [Sp.] 9.3-2

Ignatius of Antioch, Epistulae interpolatae et epistulae suppositiciae (recensio longior) [Sp.], ΠΡΟΣ ΦΙΛΑΔΕΛΦΕΙΣ., Chapter 9. Ancient Greek.

Canonical: https://interlinea.aeterna-institute.org/library/greek/ignatius-of-antioch/epistulae-interpolatae-et-epistulae-suppositiciae-recensio-longior-sp/9.3-2

3. ἐξαίρετον δέ τι ἔχει τὸ εὐαγγέλιον, τήν παρουσίαν τοῦ σωτῆρος ἡμῶν Ἰησοῦ Χριστοῦ, τὸ πάθος, αὐτὴν τὴν ἀνάστασιν. ἃ γὰρ οἱ προφῆται κατήγγελλον λέγοντες· Ἕως ἂν ἔλθῃ, ᾧ ἀπόκειται, καὶ αὐτὸς προσδοκία ἐθνῶν, ταῦτα ἐν τῷ εὐαγγελίῳ πεπλήρωται· Πορευθέντες μαθητεύσατε πάντα τὰ ἔθνη, βαπτίζοντες αὐτοὺς εἰς τὸ ὄνομα τοῦ πατρὸς καὶ τοῦ υἱοῦ καὶ τοῦ ἁγίου πνεύματος. πάντα οὖν ὁμοῦ καλά, ὁ νόμος, οἱ προφῆται, οἱ ἀπόστολοι, τὸ πᾶν συνάθροισμα τὸ δι’ αὐτῶν πιστεῦσαν· μόνον ἐὰν ἀγαπῶμεν ἀλλήλους.

---

Ignatius of Antioch, Epistulae interpolatae et epistulae suppositiciae (recensio longior) [Sp.], ed. Francis Xavier Funk, Francis Diekamp. Text: The Greek Library, from the Perseus Digital Library and other open sources, CC BY-SA 4.0. Changes: apostrophes normalised and the text divided into reading sections by Interlinea.
License: CC BY-SA 4.0 (https://creativecommons.org/licenses/by-sa/4.0/). Source: https://thegreeklibrary.pages.lisn.upsaclay.fr/works/tlg1443.tlg002.local001/.