# De vocabulis quae diversum significatum exhibent secundum differentiam accentus 1-34-7

Joannes Philoponus, De vocabulis quae diversum significatum exhibent secundum differentiam accentus, 1 to 7. Ancient Greek.

Canonical: https://interlinea.aeterna-institute.org/library/greek/joannes-philoponus-phil/de-vocabulis-quae-diversum-significatum-exhibent-secundum-differentiam-accentus/1-34

Θύρσος· τὸ κύριον παροξύνεται, θυρσός· τὸ στέμμα τῶν γάμων ὀξύνεται. θεότοκος· ὁ ὑπὸ θεοῦ τεχθεὶς προπαροξύνεται, θεοτόκος· ἡ θεὸν τεκοῦσα παροξύνεται. θέα· ἡ ὅρασις καὶ ἡ θεωρία παροξύνεται, θεά· ἡ θεός, ἡ Μοῦσα ὀξύνεται. Θήρων· τὸ κύριον παροξύνεται, θηρῶν· ἡ μετοχὴ περισπᾶται. θάμβος· ἡ ἔκπληξις παροξύνεται, θαμβός· ὁ ἐκπεπληγμένος ὀξύνεται. θέρμη· ἡ θερμότης παροξύνεται, θερμή· ἡ θερμαινομένη ὀξύνεται. θόλος· ὁ οἶκος τοῦ πρυτάνου παροξύνεται, θολός· ὁ τεταραγμένος ἢ τὸ μέλαν τῆς σηπίας ὀξύνεται.

---

Joannes Philoponus Phil., De vocabulis quae diversum significatum exhibent secundum differentiam accentus. Text: The Greek Library, from the Perseus Digital Library and other open sources, CC BY 4.0. Changes: apostrophes normalised and the text divided into reading sections by Interlinea.
License: CC BY 4.0 (https://creativecommons.org/licenses/by/4.0/). Source: https://thegreeklibrary.pages.lisn.upsaclay.fr/works/tlg4015.tlg012.local001/.