# De vocabulis quae diversum significatum exhibent secundum differentiam accentus 1-77-12

Joannes Philoponus, De vocabulis quae diversum significatum exhibent secundum differentiam accentus, 1 to 12. Ancient Greek.

Canonical: https://interlinea.aeterna-institute.org/library/greek/joannes-philoponus-phil/de-vocabulis-quae-diversum-significatum-exhibent-secundum-differentiam-accentus/1-77

βασίλεια· ἡ βασιλὶς καὶ τὸ κύριον, βασιλεία· ἀρχή. βασίλεια· ἡ βασίλισσα, βασιλεία· ἡ τιμή. βάτος· ἡ ἄκανθα, βατός· ὁ βάσιμος τόπος. Βῆλος· τὸ κύριον, βηλός· οὐρανὸς καὶ ἀστήρ. Βίων· τὸ κύριον παροξύνεται· γέγονε δὲ οὗτος περιπατητικὸς ὁ ἄνθρωπος, <***>. βίος· ἡ ζωή, βιός· τὸ τόξον. βοῶν· ἡ μετοχή, βόων· ἡ φυλακή. βρότος· τὸ ἐκ τῆς μάχης μίασμα, βροτός· ὁ ἄνθρωπος. βροῦχος· τὸ ζῷον, Βρουχός· ὁ κῆρυξ, ἀπὸ τοῦ φωνεῖν. βρύον· ἡ μετοχή, βρυών· ὁ ἀττήλαβος. βλῆχρον· ἡ λεγομένη βοὴ καὶ βοτάνη, βληχρόν· τὸ ἀσθενές. Βαῖος· τὸ κύριον ὄνομα, ὁ τὴν Ἀλεξάνδρειαν γράψας, βαιός· ὁ μικρὸς καὶ ὀλίγος.

---

Joannes Philoponus Phil., De vocabulis quae diversum significatum exhibent secundum differentiam accentus. Text: The Greek Library, from the Perseus Digital Library and other open sources, CC BY 4.0. Changes: apostrophes normalised and the text divided into reading sections by Interlinea.
License: CC BY 4.0 (https://creativecommons.org/licenses/by/4.0/). Source: https://thegreeklibrary.pages.lisn.upsaclay.fr/works/tlg4015.tlg012.local001/.