# Fragmenta 8

Manetho Sebennyta, Fragmenta, Dfhg-Source dfhg2_MANETHO_SEBENNYTA. Ancient Greek.

Canonical: https://interlinea.aeterna-institute.org/library/greek/manetho-sebennyta/fragmenta/8

Δευτέρα δυναστεία Θινιτῶν βασιλέων ἐννέα, ὧν πρῶτος Βοηθὸς ἔτη ληʹ. Ἐφ ̓ οὗ χάσμα κατὰ Βούβαστον ἐγένετο καὶ ἀπώλοντο πολλοί. βʹ Καιέχως, ἔτη λθʹ. Ἐφ ̓ οὗ οἱ βόες Ἆπις ἐν Μέμφει καὶ Μνεῦις ἐν Ἡλιουπόλει καὶ ὁ Μενδήσιος τράγος ἐνομίσθησαν εἶναι θεοί. γʹ Βίνωθρις, ἔτη μζʹ. Ἐφ ̓ οὗ ἐκρίθη τὰς γυναῖκας βασιλείας γέρας ἔχειν. δʹ Τλὰς, ἔτη ιζʹ. εʹ Σεθένης, ἔτη μαʹ. ςʹ Καίρης, ἔτη ιζʹ. ζʹ Νεφερχέρης, ἔτη κεʹ. Ἐφ ̓ οὗ μυθεύεται τὸν Νεῖλον μέλιτι κεκραμένον ἡμέρας ἕνδεκα ῥυῆναι. ηʹ. Σέσωχρις ἔτη μηʹ, ὃς ὕψος εἶχε πηχῶν εʹ, [παλαιστῶν] γʹ. θʹ. Χενεφρὴς, ἔτη λʹ. Ὁμοῦ ἔτη τβʹ. Ὁμοῦ πρώτης καὶ δευτέρας δυναστείας μετὰ τὸν κατακλυσμὸν ἔτη φνε' κατὰ τὴν δευτέραν ἔκδοσιν Ἀφρικανοῦ.

---

MANETHO SEBENNYTA, Fragmenta. Text: The Greek Library, from the Perseus Digital Library and other open sources, CC BY-SA 4.0. Changes: apostrophes normalised and the text divided into reading sections by Interlinea.
License: CC BY-SA 4.0 (https://creativecommons.org/licenses/by-sa/4.0/). Source: https://thegreeklibrary.pages.lisn.upsaclay.fr/works/tlg1477.tlg003.local002/.