# P.Herc. 425, 1079, 1086, 1580, 1674 33

Philodemus, P.Herc. 425, 1079, 1086, 1580, 1674, Column 33. Ancient Greek.

Canonical: https://interlinea.aeterna-institute.org/library/greek/philodemus/p-herc-425-1079-1086-1580-1674/33

διαφοράς, ἃς ἀποδεδώκασιν, πρὸς οὐθὲν εὑρήσομεν ἕτερον ἁμίλλωμένας ἢ πρὸς τὸ δεῖξαι κατὰ μηδένα τρόπον τέχνην αὐτὴν ὑπάρχει ν. διαφέρει γάρ, φασί, καὶ καθόσον, ὅταν καὶ συνβάλληται, μικρόν τι καὶ τὸ τυχὸν συμβάλλεται, καὶ καθόσον οὐκ ἔχει τὴν τἀναγκαίου χώραν, ἀλλὰ δύναταί τις καὶ μὴ μαθὼν τἆργα ποιεῖν αὐτῆς καὶ καθόσον ἐνεχόμενα αὐτῆς ἐστιν τὰ παραγγέλματα καὶ καθόσον τὸ πλεῖστον τῆς ὠφε λ ίας ἐν τῶι γυμνάζεσθαι πρὸς τὸ λέγειν πέπτωκε καὶ μνημονεύειν, πανταχοῦ δ', ὡς εἰπεῖν, μηδ' ἀρχὴν αὐτὴν ἑωρακέναι τεχνικὸν μηθὲν ἢ δυναμένους ὄνομά τι ἐκ τῆς οἰκουμένης καὶ δόξαν αὐτῆι περιάψαι. τούτοις γοῦν ἐγὼ χρησάμενος ἄκ ρ ως τὸ τῆς δυν άμεως ἀμέθοδον παραστήσω. τάς γε μὴν πίστεις, ἃς ἐνηνόχασι πόρρω, καὶ δὴ προσφέρεσθαι τὰς διαφορὰς αὐτήν, ἃς ἐπεσημήναντο, δ έδεικται μὲν τοὐπι

---

Philodemus, P.Herc. 425, 1079, 1086, 1580, 1674. Text: The Greek Library, from the Perseus Digital Library and other open sources, CC BY 3.0. Changes: apostrophes normalised and the text divided into reading sections by Interlinea.
License: CC BY 3.0 (https://creativecommons.org/licenses/by/3.0/). Source: https://thegreeklibrary.pages.lisn.upsaclay.fr/works/tlg1595.dclp62500.local001/.