# P.Herc. 425, 1079, 1086, 1580, 1674 39

Philodemus, P.Herc. 425, 1079, 1086, 1580, 1674, Column 39. Ancient Greek.

Canonical: https://interlinea.aeterna-institute.org/library/greek/philodemus/p-herc-425-1079-1086-1580-1674/39

διά τινος παρατηρήσεως στοιχείων τινῶν διηκόντων δῑὰ πλειόνων τῶν κατὰ μέρος καταλαμβάνειν ἕκαστον καὶ δημιουργεῖν, καὶ ταῖς οὐκ ἐχούσαις τὸ ἑστηκὸς ἀλλὰ τὸ στοχαστικὸν τοῦτ' ἐξ ἀνάγκης ἴδιον πρόσεστιν τὸ κοινῶν τινων κατοχὴν ἔ χειν διατεινόντων εἰς τὰ κατὰ μέρος, οἷς οὐδεπώποτ', ἐὰν οὕτω τύχηι, γέγονεν ἐγκύρησις, κἂν μὴ διὰ παντὸς ἀκολουθῆι τὸ τέλος τοῖς τῆς ἐπιστήμης παραγγέλμασι καὶ ποήμασιν, διὰ τὸ μηδ' εἶναι τοῦ πάντως τὴν στοχαστικὴν μέθοδον, ἀλλὰ τοῦ κατὰ τὸ πλεῖστον ἢ τοῦ μᾶλλον τῶν ἀτέχνων. οἷον, κἂν τυγχάνηι τις τοῦ τέλους ἐπί τινων ἢ μ ή, μέντοι γε ἀπὸ τῆς διαθέσεως τῆς τῶν κοινῶν καὶ στοιχειωδ ῶν ἐντευκτικῆς ἐπὶ τ ὴν ἀπεργασίαν παραλλ άξαι τῶν κατὰ μέρος, φανείη μὲν ἀπὸ τέχνης οὐ τετευ

---

Philodemus, P.Herc. 425, 1079, 1086, 1580, 1674. Text: The Greek Library, from the Perseus Digital Library and other open sources, CC BY 3.0. Changes: apostrophes normalised and the text divided into reading sections by Interlinea.
License: CC BY 3.0 (https://creativecommons.org/licenses/by/3.0/). Source: https://thegreeklibrary.pages.lisn.upsaclay.fr/works/tlg1595.dclp62500.local001/.