# P.Herc. 425, 1079, 1086, 1580, 1674 54

Philodemus, P.Herc. 425, 1079, 1086, 1580, 1674, Column 54. Ancient Greek.

Canonical: https://interlinea.aeterna-institute.org/library/greek/philodemus/p-herc-425-1079-1086-1580-1674/54

μνησθησόμεθα τῶν δοξάντων ἂν ἐς τὴν παροῦσαν σκέψιν συντείνειν οὐ προ σκαρτε ρητικῶς - οὐδὲ γὰρ μὰ τὸν Κύνα δεῖται, καθάπερ ἐμαυτὸν ἐγὼ πείθω, συναγωγ ῆς ὀφειλούσης ἔτ ι στοχαστικῶς - αὐτάρκως δὲ πρὸς διακοπήν. ἐκτιθεὶς τοίνυν, δι' ὧν ὁ λόγος αὐτῶι προελεύσεται κεφαλαίων, ὁ τὸ π ροκείμενον ἀποδεικν ύων δοκεῖν αὑτῶι - φησιν - τοὺς περὶ τὸν Ἐπί κου ρ ον καὶ Μητρ όδωρον μήτε τὸ πολιτικὸν μήτε τὸ δικανικὸν μήτε τὸ πανηγυρικὸν μέρος τῆς ῥητορικῆς ἔντεχνον ἀπολείπειν, ἀλ λὰ τὸ μὲν πολιτικὸν καὶ δικανικὸν μελέτης καὶ τριβῆς φάσκειν προσδεῖσθαι καί τινος ἐμπειρικῆς ἱστορίας, τὸ δὲ πανηγυρικὸν ἐμ μελέτηι καὶ τριβῆι λέγειν κεῖσθαι καὶ συνηθείαι τινὸς φράσεως χωρὶς πραγματικῆς ἱστορίας. πρὸς δὲ τούτοις δοκεῖν αὑτῶι κατὰ τοὺς ἄνδρας οὐ δύνασθαι συστῆναι τέχνην

---

Philodemus, P.Herc. 425, 1079, 1086, 1580, 1674. Text: The Greek Library, from the Perseus Digital Library and other open sources, CC BY 3.0. Changes: apostrophes normalised and the text divided into reading sections by Interlinea.
License: CC BY 3.0 (https://creativecommons.org/licenses/by/3.0/). Source: https://thegreeklibrary.pages.lisn.upsaclay.fr/works/tlg1595.dclp62500.local001/.