# De comoedia 001

Prolegomena De Comoedia, De comoedia, Edition urn:cts:greekLit:tlg3002.tlg016.local001. Ancient Greek.

Canonical: https://interlinea.aeterna-institute.org/library/greek/prolegomena-de-comoedia/de-comoedia-3/001

DE COMOEDIA ἡ κωμῳδία ἐκλήθη ἀπὸ τοῦ ἐν κώματι ἤτοι ἐν καιρῷ ὕπνου, ὡς ἔξεστι νοεῖν, ἀπὸ τῶν γεωργῶν ᾄδεσθαι, καὶ ἐτυμολογεῖται "ἡ ἐν κώμασιν ᾠδή". ἢ ὅτι ἐν κώμαις ἢ χωρίοις διερχόμενοι ταῦτα ᾖδον· καὶ γὰρ τὸ πρῶτον οὐχ εὕρηνται τείχη ἐν Λακεδαιμονίᾳ, ἀλλ' ἢ κῶμαι ἤτοι χωρία. ἐκεῖσε οὖν διερχόμενοι ἐκωμῴδουν τὸν ἀδικήσαντα.

---

Prolegomena De Comoedia, De comoedia. Text: The Greek Library, from the Perseus Digital Library and other open sources, CC BY 4.0. Changes: apostrophes normalised and the text divided into reading sections by Interlinea.
License: CC BY 4.0 (https://creativecommons.org/licenses/by/4.0/). Source: https://thegreeklibrary.pages.lisn.upsaclay.fr/works/tlg3002.tlg016.local001/.