# Anonymi (Arriani, ut fertur) periplus maris Erythraei 48

Pseudo-Arrianus, Anonymi (Arriani, ut fertur) periplus maris Erythraei, Paragraph 48. Ancient Greek.

Canonical: https://interlinea.aeterna-institute.org/library/greek/pseudo-arrianus/anonymi-arriani-ut-fertur-periplus-maris-erythraei/48

48. Ἔνι δὲ αὐτῇ καὶ ἐξ ἀνατολῆς πόλις λεγομένη Ὀζήνη, ἐν ᾗ καὶ τὰ βασίλεια πρότερον ἦν· ἀφʼ ἧς πάντα τὰ πρὸς εὐθηνίαν τῆς χώρας εἰς Βαρύγαζα καταφέρεται καὶ τὰ πρὸς ἐμπορίαν τὴν ἡμετέραν, ὀνυχίνη λιθία καὶ μουρρίνη καὶ σινδόνες Ἰνδικαὶ καὶ μολόχιναι καὶ ἱκανὸν χυδαῖον ὀθόνιον. Κατάγεται δὲ διʼ αὐτῆς καὶ ἀπὸ τῶν ἄνω τόπων ἡ διὰ Προκλαΐδος καταφερομένη νάρδος ἡ Καττυβουρίνη καὶ ἡ Πατροπαπίγη καὶ ἡ Καβαλίτη καὶ ἡ διὰ τῆς παρακειμένης Συυθίας, ὃ τε κόστος καὶ ἡ βδέλλα.

---

Pseudo-Arrianus, Anonymi (Arriani, ut fertur) periplus maris Erythraei, ed. Karl Müller. Text: The Greek Library, from the Perseus Digital Library and other open sources, CC BY-SA 4.0. Changes: apostrophes normalised and the text divided into reading sections by Interlinea.
License: CC BY-SA 4.0 (https://creativecommons.org/licenses/by-sa/4.0/). Source: https://thegreeklibrary.pages.lisn.upsaclay.fr/works/tlg0071.tlg001.local001/.