# De synecdoche 8.692

Rhetorica Anonyma, De synecdoche, Volume 8. Ancient Greek.

Canonical: https://interlinea.aeterna-institute.org/library/greek/rhetorica-anonyma/de-synecdoche/8.692

ἑνὸς τὰ πολλά· ἡ δὲ ἀπὸ τοῦ περιέχοντος τὸ περιεχόμενον· ἡ δὲ ἀπὸ τοῦ περιεχομένου τὸ περιέχον. Πῶς; Ἀπὸ ὅλου τὸ μέρος; ὡς τὸ, „βόας αὔας·“ ἀντὶ τοῦ, ἀσπίδας, τὰς ἐκ βοείων βυρσῶν. Ἀπὸ μέρους τὸ ὅλον, ὡς τὸ, λευκώλενος Ἥρη. Ἀπὸ τῆς ὕλης τὸ ἀποτέλεσμα, ὡς τὸ, Χρυσὸν δ' αὐτὸς ἔδυνε περὶ χροΐ· ἀντὶ τοῦ, χρυσῆν πανοπλίαν. Ἀπὸ τοῦ ἑπομένου συμβαίνοντος τὸ προηγούμενον, ὡς τὸ, ἑζόμενοι λεύκαινον ὕδωρ ξεστῇς ἐλάτῃσιν. Ἀπὸ τοῦ συμβόλου τὸ κύριον, ὡς τὸ σκῆπτρον τὴν βασιλείαν. Ἀπὸ τοῦ προηγουμένου τὸ ἀκόλουθον, ὡς τὸ, Λῦσε δὲ παρθενίην ζώνην. Ἀπὸ τοῦ ἀκολούθου τὸ προηγούμενον, ὡς τὸ ἐναρίζω, τὸ σκυλεύω. Ἀπὸ γένους τὸ εἶδος, ὡς τὸ, „ζῶον ἐνταῦθα οἰκονομούμενον καὶ ἀλλαχοῦ μεθιστάμενον.“ Ἀπὸ εἴδους τὸ γένος, ὡς τὸ ἀΐω τὸ αἰσθάνομαι. Ἀπὸ πολλῶν τὸ ἓν, ὡς τὸ, „στήθεα μαρμαρόεντα.“ Ἀφ' ἑνὸς τὰ πολλὰ, ὡς τὸ, „πέρσεν Ὀδυσσεὺς καὶ ἱερὸν Τροίης πτολίεθρον.“

---

Rhetorica Anonyma, De synecdoche. Text: The Greek Library, from the Perseus Digital Library and other open sources, CC BY 4.0. Changes: apostrophes normalised and the text divided into reading sections by Interlinea.
License: CC BY 4.0 (https://creativecommons.org/licenses/by/4.0/). Source: https://thegreeklibrary.pages.lisn.upsaclay.fr/works/tlg0598.tlg020.local001/.